XLOAZMA – dәrinin mәhdud hiperpiqmentasiyası; bәdәndә yüksәk piqment hasil olması ilә әlaqәdar әmәlә gәlir. Sәbәbi dәqiq müәyyәn edilmәmişdir. Qara ciyәrin, yumurtalıqların, hipofizin funksiyasının pozulması rol oynayır. X. çox vaxt hamilәlik vaxtı meydana çıxır, üz, döş gilәsi әtrafı, qarın dәrisindә olur; doğuşdan sonra tәdricәn keçib gedir. Bәzәn davamlı xarakter daşıyır. Əsasında üzücü xәstәliklәr (xәrçәng, malyariya, vәrәm, qara ciyәrsir rozu) olan hiperpiqmentasiyanın ağır forması – k a x e k t i k x l o a z m a adlanır.
X. kәskin sәrhәdi olan sarımtıl-qonur rәngdәn tünd sarımtıl-boz rәngә qәdәr, piqmentli lәkәlәrlә müxtәlif formalı simmetrik olaraq tәzahür edir. Piqmentasiya yazda vә yayda daha parlaq, qışda isә nisbәtәn solğun görünür. Lәlәkәlәr qabıq vermir vә gicişmir. X. çillәrdәn dәqiq sәrhәddinin vә iri ölçülü lәkәlәr şәklindә olması ilә fәrqlәnir.
X. xroniki xәstәlikdir, piqmentasiya insanın ömrünün sonuna qәdәr davam edә bilәr, lakin onu bәzәn aradan qaldırmaq mümkün olur.
X.-sı olan şәxslәrә ultrabәnövşәyi şüaların tәsirindәn qorunmaq mәslәhәtdir. Mövcud olan mübadilә vә hormonal pozuntular aradan qaldırılmalı, vitamin (C, B qrupu vitaminlәri, fol turşusu) müalicәsi tәyin olunmalıdır.
