XOLÓN – İsraildә, Tәl-Əviv dairәsindә şәhәr. Əh. 188,8 min (2016).
Tarixәqәdәrki dövrdә indiki şәhәrin әrazisindә kiçik göl olmuşdur. Arxeoloqlar tәrәfindәn bu әrazidә Erkәn Daş dövrünә aid bir neçә ovçu düşәrgәsi aşkarlanmış, buradan fil, hippopatam vә timsah sümüklәri tapılmışıdr. İsrail çarlığı dövründә bu әrazidә salınmış mәskәn әrәb istilalarınadәk mövcud olmuş, sonralar bu torpaqlar becәrilmәmiş vә qumla örtülmüşdür. 19 әsr dә hәmin әrazidә әrәblәr Tәll әr-Riş k.-ni salmışlar. 1929 ildә yәhudilәr bu kәndlә sәrhәd әrazilәri almış vә qәsәbәlәr salmışlar. 1940 ildә hәmin qәsәbәlәr X. adı altında birlәşmiş, 1950 ildә şәhәr statusunu almışdır.
X. İsrailin toxuculuq mәrkәzidir. Metal, rezin, plastik kütlә istehsalı müәssisәlәri fәaliyyәt göstәrir. Ölkәnin ikinci iri sәnaye zonası buradadır. Kimya, yeyinti, neft-qaz, maşınqayırma sәnayesi inkişaf etmişdir. Neft vә geofizika in-tu fәaliyyәt göstәrir.
Su qüllәsi, park, sinaqoqlar; uşaq (2001) vә dizayn (2010) muzeylәri, “Mediatek” mәdәniyyәt mәrkәzi (2004) vә s. var.
Xolon şәhәrindәn görünüş.
