XORÁVA Akaki Alekseyeviç (29.4.1895, indiki Gürc.-ın Sameorelo-Zemo-Svaneti diyarı Oçxomuri k., – 23.6.1972, Tbilisi) – gürcü aktyoru, SSRİ xalq artisti (1936). SSRİ Dövlәt mükafatı laureatı [1941, 1943, 1946 (2 dәfә), 1951]. Kiyev, sonra Tiflis un-tlәrindә tibb üzrә tәhsil almışdır. 1922 ildә A.N.Paqavanın teatr studiyasına daxil olmuş, burada tәhsil alarkәn 1923 ildә Ş.Rustavelli ad. Gürcüstan Dövlәt Dram Teatrında ilk dәfә çıxış etmişdir (1935 ildә bu teatrın bәdii rәhbәri, 1949–55 illәrdә direktoru). Ən yaxşı rolları: Bersenev (“Hücum”, B.Lavrenyov), Anzor, Arsen (“Anzor”, “Arsen”, S.İ. Şanşiaşvili), Karl Moor (“Qaçaqlar”, F.Şiller). Otello (“Otello”, U.Şekspir) obrazı X. yaradıcılığının zirvәsidir. Digәr rolları arasında: Platon Kreçet (“Platon Kreçet”, A.Y.Korneyçuk), İvan Qroznı (“Böyük hökmdar”, V.A.Solovyov), çar Edip (“Çar Edip”, Sofokl) vә s. var. Kinoda çәkilmişdir (“Georgi Saakadze” vә s.). 1939 ildәn Tbilisi Teatr İn-tunda dәrs demişdir (1947 ildәn prof.; 1939–48 illәrdә direktor). SSRİ Ali Sovetinin (1–4-cü çağırış) deputatı olmuşdur. 2 dәfә Lenin ordeni ilә tәltif edilmişdir.
