XORİONEPİTELİÓMA (chórion + epiteli + mioma) – qadın cinsiyyәt orqanlarının bәdxassәli şişi. X., әsasәn, gәnc qadınlarda (25–35 yaş) döl yumurtası elementlәrindәn (trofoblastdan), çox vaxt beçә xordan, abortdan, bәzәn isә doğuşdan sonra (sonuncu hamilәliyin qurtarmasından xәstәliyin başlanmasına qәdәr bir neçә il keçә bilәr) baş verir. Bir qayda olaraq, әvvәlcә uşaqlıqda әmәlә gәlir, sürәtlә onun divarında inkişaf edir vә hematogen yolla, әsasәn, ağ ciyәrlәrә, beyinә vә uşaqlıq yoluna metastazlar verir. Ə l a m ә t l ә r i: atsiklik uşaqlıq qanaxmaları (qanazlığının inkişaf etmәsi ilә), qanlı-serozlu ağ ifrazat. Xәstәliyin sonrakı gedişi metastazın yayılma xüsusiyyәtlәri (metastazlar, uşaqlıqdan vә uşaqlıq yolundan olan güclü qanaxma vә kaxeksiya xәstәnin әsas ölüm sәbәbidir) ilә müәyyәn olunur. Xәstәliyin diaqnozunun qoyulması uşaqlığın ölçülәrinin böyümәsi vә ondan götürülmüş qaşıntıda şiş hüceyrәlәrinin aşkar edilmәsi, Aşheym–Sondek reaksiyasının tәkcә xalis sidikdә deyil, hәm dә durulaşdırılmış sidikdә kәskin müsbәt olması vә s. ilә müәyyәn edilir. M ü a l i c ә s i: kimyaterapiya (xәstәlәrin üçdә bir hissәsi tam sağalır vә sonradan sağlam uşaq doğa bilәrlәr), hormonal vә şüa müalicәsi, cәrrahi әmәliyyat vә s. P r o f i l a k t i k a s ı: beçәxor keçirmiş qadınlar ciddi hәkim nәzarәtindә olmalıdır.
Əd.: Современная гематология и онкология, подред. Д.Лобун и др., М., 1983.
