XORKİNA Svetlana Vasilyevna (d.19.1. 1979, Belqorod) – Rusiya idmançısı (idman gimnastikası). 1990-cı illәrin 2-ci yarısı – 2000-ci illәrin 1-ci yarısında dünyanın әn yaxşı gimnastlarından biri. Üç Olimpiya Oyunlarında (1996, Atlanta; 2000, Sidney; 2004, Afina) 2 qızıl (1996 vә 2000 ildә qoşa tirlәrdә hәrәkәtlәrdә), 4 gümüş vә 1 bürünc (müxtәlif hәrәkәtlәrdә) medal; 7 dünya çempionatında (1994–2003) 9 qızıl (o cümlәdәn 1997, 2001, 2003 ildә 3 mütlәq birincilikdә), 7 gümüş, 3 bürünc medal; 2 Avropa çempionatında (1998, 2004) 4 qızıl (o cümlәdәn 1998 ildә mütlәq birincilikdә), 1 gümüş, 2 bürünc medal qazanmışdır.
