XOU İFAN (d.27.2.1994, Szyansu, Sinxua) – Çin idmançısı. Beynәlxalq qrossmeyster (2008). Şahmat tarixindә 13-cü dünya çempionu (2010). 5 yaşından şahmat oynayır. 2006 ildә qadınlardan ibarәt Çin yığma komandasının heyәtindә Ümumdünya Olim piadasında debüt etmiş, 3-cü lövhәdә yüksәk nәticә göstәrәrәk (13 xaldan 11) qadınlar arasında qrossmeyster adına (12 yaş 3 ay – şahmat tarixindә әn gәnc) layiq görülmüşdür. İki dәfә Çin çempionatının (2007, 2008) qalibi olmuşdur. 2008 ildә dünya çempionatında debüt etmiş; finala çıxmış, A.K.Kostenyuka mәğlub olmuşdur (1,5: 2,5). Bir sıra kişi turnirlәrinin, o cümlәdәn Veyk-an-Zen turnirinin (2009, 2-ci yer) iştirakçısıdır. 2010 ilin dekabrında Antakyada (Türkiyә) dünya çempionatının qalibi vә әn gәnc dünya çempionu olmuşdur (16 yaş 10 ay). 2011 ilin noyabrında Tiranada keçirilәn dünya birinciliyi matçında Hindistan tәmsilçisi H.Koneruya qalib gәlmiş (5,5:2,5), 2012 ildә Gibraltarda keçirilәn şahmat festifalında N.Şortla 1–2 yerlәri bölüşdürmüşdür. 2013 ildә Tayçjouda dünya birinciliyi uğrunda matçda A.Y.Uşeninaya qalib gәlmişdir (5,5:1,5). 2015 ildә Soçidә nokaut-sistem üzrә keçirilәn dünya çempionatı yarışlarında iştirak etmәmiş, 2016 ildә Lvovda Ukrayna şahmatçısı M.O.Muzıçuka qalib gәlәrәk (6:3) dünyanın әn güclü şahmatçısı adını özünә qaytarmışdır.
