XOUSZYAÇJUAN – Xuanxe çayının şm. sahilindә, Anyan ş.-ndәn şm.-q.-dә Son Şan (İn) dövrünә aid mәzarlıq. İnsüy kompleksinә daxildir. Ölçülәri 450×250 m olan әrazidә 1934–35 illәrdә (Li Szi vә b.), 1950, 1959, 1976–78 illәrdә hәr biri 4 dromosla 8 “çar” qәbri, 2 dromosla 3 “çar” qәbri, 1 dromosla 2 “çar” qәbri vә tikintisi yarımçıq qalmış “çar” qәbri, hәmçinin tәqr. 1500 digәr dәfn yeri (avadanlığı olan fәrdi qәbirlәr vә avadanlığı olmayan qurban verilmiş insanların başsız meyitlәrindәn ibarәt kollektiv qәbirlәr) tәdqiq edilmişdir. “Çar” qәbirlәrinin kameraları (ölçülәri 19×14 m-dir, dәrinliyi 10 m-dәkdir) hәlә qәdim vaxtlarda qarәt olunmuşdur; dromoslarda tunc qablar vә silahlar, daş heykәllәr, ağ gildәn keramika, döyüş arabalarının qalıqları vә s. tapılmışdır. Ehtimal ki, onlar Son Şan hökm darlarına mәxsus olmuşdur; belә ki, bu hökmdarların sayı yazılı mәnbәlәrdәn mәlum olan İnvanlarının sayına uyğun gәlir.
Xouszyaçjuan. “Hökmdarın” dәfn yerindәn zooantropomorf heykәlciklәr. Mәrmәr. 1 – pәlәng başlı insan; 2 – fil ayaqları olan buynuzlu bayquş. Tarix vә filologiya institutunun muzeyi (Taybey, Tayvan).
