XRÓNİKA (yun. χρονικἀ – salnamә; χρονικός – zamana vә tarixә aid olan) – 1) әsasәn, orta әsrlәrdә geniş yayılmış tarixә aid әsәr növü; orta әsrlәr Qәrbi Avropa vә Şәrq tarixi mәnbәlәrinin әsas növlәrindәn biri. X.-da mühüm tarixi hadisәlәr zaman ardıcıllığı ilә әks olunur. Zaman, tarixi prosesin subyekti kimi, X.-nın mәrkәzindә durur.
2) Ədәbi janr – tәhkiyә vә ya dram әsәrlәri. X. bәdii әsәrlәrdә hadisәlәrin zamana görә ardıcıllığıdı, mühüm hәyat hadisәlәrinә dair yığcam mәlumatdır. Dünya әdәbiyyatında U. Şekspirin X.-ları mәşhurdur. 3) Müәyyәn fakt vә ya hadisә haqqında müxtәsәr mәlumat verilәn qәzet-jurnal janrı.
