XUANDİ (Çin dilindә – Sarı imperator) – әfsanәvi qәhrәman vә imperator. Balta, hәvәng, yay vә ox, geyim vә ayaqqabı ixtira etmiş, insanlara zәng vә üçayaqlı qab, araba vә qayıq, bәzi musiqi alәtlәri (tәbil) düzәltmәyi, quyu qazmağı öyrәtmiş, çoxsaylı dәrman bitkilәri tapmış, hәrbi iş vә әkinçiliyi inkişaf etdirmişdir. Sıma Syan X.-ni Çinin ilk real hakimi kimi tәqdim edir.
Sin çarlığının kultuna görә, X.-nin obrazı tabeliyindә dünyanın dörd tәrәfinin imperatorları olan mәrkәzin ali allahı hesab edilir. Bәzi hallarda X. dördgözlü, yaxud dörd sifәtli hakim görünüşündә tәsvir olunur.
