XUANTORÉNA (Juantorena) Alberto (d.3.12.1950, Santyaqo-de-Kuba) – Kuba idmançısı (yüngül atletika). 1970-ci illәrdә orta mәsafәlәrә qaçışda (400 m, 800 m) dünyanın әn yaxşı qaçıcılarından biri. Monreal (1976) Yay O l i m p i y a Oyunlarında 400 m (44,26 s) vә 800 m (1 dәq 43,50 s –dünya rekordu) mәsafәlәrdә qәlәbә qazanaraq 2 dәfә çempion olmuşdur. Münxen (1972) vә Moskva (1980; 400 m mәsafәyә qaçışda 4-cü yer) Yay Olimpiya Oyunlarının iştirakçısıdır. Moskva (1973; 400 m) vә Sofiya (1977; 800 m) universiadalarının, Dünya kuboku yarışlarının (1977; 400 m, 800 m) qalibi, dәfәlәrlә Panamerika Oyunlarının mükafatçısıdır (1975, 1979). Gümüş Olimpiya ordeninә layiq görülmüşdür (1987).
