XUBƏR, Əl-Xubәr (әr. ) – Sәudiyyә Ərәbistanında şәhәr. Əh. 941,4 min (2012). İran körfәzindә iri neftdoldurma portu.
X. ölkәnin mühüm neft sәnayesi mәrkәzi, çoxsaylı neft hasilatı vә emalı müәssisәlәrinin, Saudi Aramco – dünyanın әn iri neft hasilatçısı şirkәtinin mәnzil-qәrargahının yerlәşdiyi neftdoldurma portudur. Sıxılmış qaz, gübrә, plastik kütlәdәn mәmulatlar, sement, kağız istehsalı müәssisәlәri fәaliyyәt göstәrir. Neft-kimya, qara metallurgiya, yeyinti sәnayesi, toxuculuq, gәmiqayırma, balıqçılıq, turizm sferası inkişaf etmişdir.
Bir neçә lisey, hәmçinin xәstәxana, hotel, stadion, çoxlu әylәncә yerlәri var.
Şәhәrin әn görmәli yeri mәşhur kral Fәhd körpüsüdür.
Xubәr su qüllәsi.
