XUDUTƏPƏ – Azәrb. Resp. Cәlilabad r-nunun Çәmәnli vә Cәlayir kәndlәri arasında çoxtәbәqәli yaşayış mәskәni. Sah. tәqr. 7 ha, mәrkәzi hissәsindә mәdәni tәbәqәsinin qalınlığı tәqr. 4 m-dir. Tәqr. 80 sm dәrinlikdә çiy kәrpicdәn dairәvi planlı tikili qalıqları, tәsәrrüfat quyuları, ocaq yerlәri izlәnilmişdir. Abidәnin şm. tәrәfindә torpaq qәbirlәrdәn ibarәt nekropol aşkarlanmışdır. Ölülәr burada üzü şәrqә tәrәf, dizlәri yarımbükülü vәziyyәtdә, geniş ağızlı qabların içәrisindә dәfn olunmuşdur. X.-dәn müxtәlif dövrlәrә aid sadә vә şirli keramika nümunәlәri, nalbәnd bıcağı, iri şişuclu qılınclar, xәncәrlәr, bәzәk vә mәişәt әşyaları, gil çıraqlar, ev heyvanlarına mәxsus sümüklәr, kömür, kül qalıqları vә s. aşkar edilmişdir. Tәdqiqatlar nәticәsindә burada e.ә. 6-cı minillikdәn son orta әsrlәrәdәk intensiv yaşayış olduğu müәyyәnlәşdirilmişdir.
Xudutәpә nekropolunda aşkar edilmiş saxsı qablar.
