XÜSUSİ HÜQUQ – vәtәndaşların, fәrdi mülkiyyәtçilәrin, sahibkarların, müxtәlif növ birliklәrin (korporasiyaların) maraqları sahәsindә münasibәtlәri, hәmçinin ümumi hüquqdan fәrqli olaraq şәxsi münasibәtlәrdә ümumi mәnafelәri tәnzimlәyәn vә qoruyan hüquq sahәsi. X.h.-un ayrıca sahә kimi fәrqlәndirilmәsi roman-german hüquq ailәsi üçün sәciyyәvidir.
X.h. fiziki vә hüquqi şәxslәr arasındakı әmlak vә qeyri-әmlak münasibәtlәrini, bәrabәr subyektlәr arasında meydana gәlәn vә ümumi sәciyyә daşımayan münasibәtlәri tәnzimlәyir. X.h. münasibәtlәrinin sәciyyәvi cәhәti iştirakçı tәrәflәrin öz iradәlәri әsasında yaranması, tәrәflәrin hüquq bәrabәrliyi vә dövlәt hakimiyyәti orqanları ilә birbaşa әlaqәsinin, onlara tabeçiliyin olmamasıdır. X.h. mövcud hüquq sisteminin bir hissәsi olub, bir neçә hüquq sahәsinin mәcmusudur. Onun nüvәsini әmlak münasibәtlәrini vә onunla әlaqәli olan qeyri-әmlak münasibәtlәrini tәnzimlәyәn mülki hüquq tәşkil edir. Ailә hüququ, Sahibkarlıq hüququ, Əmәk hüququ, Beynәlxalq xüsusi hüquq vә Bank hüququ X.h. sahәlәridir.
