XVOSTOV Veniamin Mixayloviç (12.3.1868, Simferopol – 5.2.1920, Moskva) – rus hüquqşünası, sosioloq. Moskva Un-tinin hüquq fakültәsini bitirmiş (1889), hәmin fakültәnin privat-dosenti (1892–99), ekstraordinar (1899–1901) vә ordinar (1901–1911 vә 1917 ildәn) prof.-u olmuşdur. Moskva elmi in-tunun tәsisçilәrindәn biri (1912), Sosial psixologiya in-tunun tәşkilatçısı vә ilk rәhbәri (1917–20) olmuşdur.
X.-un hüquq nәzәriyyәsinә dair, 20 әsrin әvvәllәrindә dәrslik kimi istifadә olunan bir çox әsәrlәri mәlumdur. Sosiologiyada 19 әsrdә geniş yayılmış müxtәlif “naturalizm” formalarının tәnqidçisi kimi çıxış edirdi. X.-un tәklif etdiyi sosiologiyalayihәsi psixologizm (cәmiyyәt insanların “mәnәvi ünsiyyәt”inin vә qarşılıqlı fәaliyyәtinin mәhsulu kimi) vә bәzi neokantçılıq ideyalarının (dәyәrlәr nәzәriyyәsi vә s.) әlaqәlәndirilmәsinә әsaslanırdı. Burada izahı olmayan vә tәbiyyatşünaslığın, fәrdi psixologiyanın qanunlarından kәnar kollektiv-psixi fenomenlәr haqqında tәlim insan cәmiyyәti barәdә әn ümumi elm qismindә götürülәn sosiologiyanın nüvәsinә çevrilir. X.-un bir sıra әsәrlәri gender problemlәri vә qadın emansipasiyası perspektivlәrini qiymәtlәndirmәyә hәsr olunmuşdur.
