İBİSLƏR (Threskiornithidae) – leylәk kimilәr dәstәsindәn quş fәsilәsi. Uz. 47–104 sm, kütlәsi 0,5–2,0 kq-dır; erkәklәri dişilәrindәn bir qәdәr iridir. Bәdәni uzunsov, boynu, adәtәn, uzundur. Dimdiyi uzun, nazik, aşağı әyilmiş, yaxud düz, yastılaşmış (әrsindimdiklәrdә ucu әrsin şәklindә enlilәşmişdir), çox vaxt parlaq naxışlı olur. Başı qismәn vә ya tamamilә çılpaqdır; İ-in bәzilәrindә hәmçinin boynunun yuxarı hissәsi lәlәksizdir. Enli uzun qanadları quşlara qanad çalma ilә süzmәyi növbәlәşdirmәyә imkan verir; quyruğu adәtәn, qısadır. Lәlәk örtüyü ağ, çәhrayı, qırmızı, boz, qonur, qәhvәyi, yaxud yaşıl vә ya göy metal parıltılı qaradır. Ön barmaqlarının әsası kiçik pәrdә ilә birlәşmişdir. Dili reduksiyaya uğramışdır. Tәqr. 14 cinsi, 32 növü var. Tropik vә subtropiklәrdә yayılmış, bәzi növlәri mülayim qurşağa keçir. Azәrb. ornito faunasında iki növü var: әrsindimdik (Platalea leu corodia) vә qaranaz (Plegadis facinellus). İ. koloniyalarla (çox vaxt başqa caydaqlılarla birlikdә), yaxud ayrı-ayrı cütlәrlә adәtәn, şirin su hövzәlәrinin yaxınlığında yuvalayırlar. Su vә quru heyvanları ilә (әsasәn cücülәr, xәrçәngkimilәr, molyusklar, balıqlar, suda-quruda yaşayanlar, xırda quşlar vә gәmiricilәrlә), leşlә qidalanırlar. Yemlәnmә yerlәrinә hәr gün 25 km-әdәk uça bilirlәr. Yuvalarını ağaclarda, kolluqlarda vә qamışlıq arasında düzәldirlәr; bәzәn qayalarda vә ya yerdә qururlar. 2–5 yumurta qoyurlar; hәr iki valideyn 21–29 sutka kürt yatır. Quş balaları 2–3 hәftәliyindә yuvanı tәrk edirlәr, lakin uçmağı öyrәnәnә qәdәr, tәqr. 2–4 hәftә orada qidalanırlar. İ.-in 8 növü vә yarımnövü nәsli kәsilmәk tәhlükәsi altında vә ya hәssas olduğuna görә TTEMBİ-nin “Qırmızı kitab”ına daxil edilmişdir. Nadir vә bәzәkli quş olan әrsindimdik Azәrb.-ın “Qırmızı kitab”ına daxil edilmişdir. Mühafizә olunur.
İbislәr. Ərsindimdik (Platalea leu corodia).
