İBN DOQMAQ (ابن دقماق ), S a r i m ü d d i n İ b r a h i m i b n M ә h ә m m әd (1349, Qahirә – 30.5.1407, Qahirә) – türk әsilli tarixçi. “Misir tarixçisi” ünvanını almış, dövrünün mәşhur tarixçilәrindәn biri olmuşdur. Mәmlük tarixini vә dövlәtinin quruluşunu mükәmmәl bilәn, dövlәt mәmurlarını şәxsәn tanıyan İ.D. 200-әdәk әsәrin müәllifidir. Əsәrlәrindә Əzimi, İbn әl-Əsir, Sibt İbn әl-Cövzi, İbn Əbdüzzahir, Zәhәbi vә Sәfәdinin әsәrlәrindәn istifadә etmişdir.
İ.D.-ın 12 cildlik “Nüzhәtül-әnam fitarixil-İslam” әsәrinin bir hissәsi günümüzә dәk gәlib çatmışdır. Müәllif, әsasәn, mәmlük tarixindәn bәhs etmiş, Şimali Afrika vә Hicazda baş verәn hadisәlәri, hәmçinin Elxanilәr dövlәti vә Qızıl Orda xanlığına dair geniş mәlumat vermişdir. “Əl-Cövhәrüs-sәmin fi siyәril-xülәfa vәlmüluk vәs-sәlatin” әsәri Əbu Bәkrin dövründәn başlayaraq 1395 ilin sonunadәk xәlifә vә hökmdarlardan bәhs edәn müxtәsәr islam tarixidir, “İqdül-cәvahir fi sirәtil- Mәlikiz-Zahir” әsәri isә 1402 ilәdәk Misir hökmdarları, xüsusilә Bәrkük dövrünün tarixi haqqındadır.
