İBN ƏL-MÜTƏZZ ( ابنالمعتز) A b d u l l a h Əbü-l-Abbas (1.11.861, Bağdad –17.12.908, Bağdad) – әrәb şairi, filoloq. Abbasilәr sülalәsindәn xәlifә әl-Mütәzzin oğludur. Sarayda tәrbiyә edilmiş hәrtәrәfli tәhsil almışdır. Yaradıcılığında mәhәbbәt lirikası, tәbiәtә hәsr olunmuş şeirlәr geniş yer tutmuşdur. Mәdhiyyәlәri var. Saray şeirinin “yeni cәrәyan” adlanan qoluna mәnsub olmuşdur. Divanı, “Kitab әl-bәdi” (“Bәdii söz sәhәti kitabı”), “Kitab tәbәqat әş-şüәra” (“Şair tәbәqәlәri kitabı”), “Rәsail” (“Mәktublar”) әsәrlәri, mәnzum xronikası var. “Kitab әl-bәdi” әsәri ilә Yaxın Şәrqdә poetika elminin әsasını qoymuşdur. Saray çәkişmәlәri nәticәsindә hakimiyyәtә gәtirilmiş, lakin bir gün sonra devrilmiş vә edam edilmişdir. “Birgünlük xәlifә” kimi şöhrәt qazanmışdır.
Ə s ә r i: Divan. Beyrut, 1961 (әrәb dilindә).
