İBRAHİMBƏYOV Maqsud Mәmmәd ibrahim oğlu (11.5.1935, Bakı – 22.3.2016, Bakı) – Azәrb. yazıçısı, dramaturq, ssenarist. Azәrb. Resp. xalq yazıçısı (1998). Azәrb. SSR Dövlәt mükafatı laureatı (1976), әmәkdar incәsәnәt xadimi (1979). Azәrb. Politexnik İn-tunu bitirmişdir (1959). Moskva Ali ssenari (1962–64) vә rejissor kurslarının (1971–73) müdavimi olmuşdur. 1964–71 illәrdә SSRİ Mәrkәzi Televiziya vә Radio Verilişlәri Komitәsinin Azәrb. üzrә müxbiri işlәmişdir. Bәdii yaradıcılığa 1960-cı illәrdәn başlamışdı. İnsanın hәyatda yeri, nәsillәrin varisliyi vә s. mühüm mәnәvi-әxlaqi problemlәr “Qәza” (1963), “Püstә ağacı” (1965), “Haradadır o yol” (1969), “Truskavetsә kim gedәcәk?” (1974), “Ondan yaxşı qardaş yox idi” (1975) vә s. povestlәrinin, hekayә vә pyeslәrinin әsas mövzularıdır. “Mezozoy әhvalatı” (1974; 1976 ildә ekranlaşdırılmışdır, rej. R.Atamalıbәyov), “Yaxşılığa yamanlıq” (1978) pyeslәri bir çox teatr sәhnәsindә tamaşaya qoyulmuşdur. İ.-un ssenarilәri әsasında “Azәrbaycanfilm” vә müxtәlif ölkәlәrin kinostudiyalarında “Uşaqlığın son gecәsi” (1967, rej. A.Babayev), “Bizim Cәbiş müәllim”(1967, rej. H.Seyidbәyli), “Ən vacib müsahibә” (1970, rej. E.Quliyev), “Sәn mahnımsan mәnim” (1975, rej. A.Kabulov), “De ki, mәni sevirsәn” (1977, rej. M.İbrahimbә yov), “Mәnә Ayvar Lidak deyәrlәr” (1978, rej. B.Veldre), “Bayquş gәlәndә” (1978, rej. Ş.Mahmudbәyov) vә s. filmlәr çәkilmişdir. Əsәrlәri xarici dillәrә tәrcümә edilmişdir. Azәrb. Resp. Milli Mәclisinin (1–3-cü çağırış) deputatı olmuşdur. Azәrb. Resp.-nın “Şöhrәt”, “İstiqlal” vә “Şәrәf ” ordenlәri ilә tәltif edilmişdir.
Ə s ә r l ә r i: Незнакомая песня. М., 1974; Прилетала сова. М., 1977; Böyük şәhәrin nağılları. B., 1985; Bütün yaxşılıqlara ölüm. B., 1993.
