İBRAHİMLİ Nail Nәriman oğlu (4.3.1994, Oğuz r-nunun Xaçmaz k. – 8.11. 2020, Şuşa) – Vәtәn Müharibәsi Qәhrәmanı (ölümündәn sonra, 9.12.2020). Dövlәt Sәrhәd Xidmәti (DSX) Sәrhәd Qoşunlarının kiçik giziri. 2012–13 illәrdә Fövqәladә Hallar Nazirliyi orqanlarında müddәtli hәqiqi hәrbi xidmәt keçmişdir. 2020 ildә DSX-nin Sәrhәd Qoşunlarında xidmәtә başlamış, әvvәlcә Xudat ş.-ndә, sonra isә Qazax r-nunda yerlәşәn әlahiddә sәrhәd diviziyasının kәşfiyyat bölüyündә qulluq etmişdir. Vәtәn müharibәsi (2020) zamanı Füzulinin, Cәbrayılın, Xocavәndin, Hadrutun azad edilmәsindә xüsusilә fәrqlәnmişdir. 2020 il oktyabrın 20-dә Xoca vәnd r-nunun Zoğalbulaq, Azıx, Böyük Tağlar, Tuğ, Ağdam, Düdükçü kәndlәrinin düşmәndәn tәmizlәnmәsi әmәliyyatlarında iştirak etmişdir. Oktyabrın 30-da Xüsusi Tәyinatlı Qüvvәlәrinin Şuşa әmәliyyatına qatılmış, Laçın yolu vә Şuşa ş. әtrafındakı yüksәkliklәrin azad edilmәsindә rәşadәt göstәrmiş, noyabrın 7-dә Şuşa ş.-nә daxil olmuşdur. Noyabrın 8-dә Muxtarkәnd k. Yaxınlığındakı döyüşdә hәlak olmuşdur. Oğuz r-nunun Xaçmaz k.-ndәki Şәhidlәr Xiyabanında dәfn edilmişdir. Oğuz r-nunda adına mәktәb var.
