İBRAHİMOV Fidail Molla-Axmetoviç (25.3.1938, Kustanay – 21.6.2020, Moskva) – RF xalq rәssamı (2020), әmәkdar incәsәnәt xadimi (2007), Rusiya Rәssamlıq Akademiyasının hәqiqi üzvü (2018). Moskva Ali Bәdii Sәnaye Mәktәbini bitirmişdir (1966). Əsәrlәrindә klassik üslubla yeniliyi birlәşdirmiş, şüşәnin texniki-bәdii imkanlarından geniş istifadә etmişdir; tökmә şüşәnin ağırlığı, şәffaflığı, mürәkkәb rәng çalarları vә fakturası dekorativ effekt tәsiri bağışlayır: “Minotavr” (1968), “İspaniya motivlәri” (1976), “Qağayılar” (1981), “Tac” (1984), “Kişi vә qadın” (1992), “Leda vә qu quşu” (1998), “Qulliverin sәrgüzәştlәri” (2002), “Tarix bitmir” (2004). Yaradıcılığının son dövrlәrindә müxtәlif texnika vә materiallarla eksperiment aparmışdır.
S.Q.Stroqanov ad. Moskva Dövlәt Bәdii Sәnaye Akademiyasında pedaqoji fәaliyyәt göstәrmişdir (2001–2008). “Oymaçılıq sәnәti” (2013) vә s. kitabları var.
Əsәrlәri RF-nin, digәr ölkәlәrin muzeylәrindә vә şәxsi kolleksiyalarda saxlanılır.
İbrahimov F.M-A. “Taxt-tac”. 1984. Büllur, şüşә.
