İBRAHİMOV Hüseyn Mәmmәdәli oğlu (23.5.1919, indiki Nax. MR, Şәrur r-nunun Şahtaxtı k. – 10.4.2008, Naxçıvan) – Azәrb. yazıçısı. Azәrb. Resp. xalq yazıçısı (1998). Azәrb. Dövlәt Un-tini bitirmişdir (1958). Nax. Radio Verilişlәri Komitәsinin (1949–54), Azәrb. Yazıçılar İttifaqı Nax. filialının (1954–60), Nax. MSSR Ali Sovetinin (1963;1967) sәdri olmuşdur. Nax. MSSR mәdәniyyәt naziri (1970–75) işlәmişdir. Nax. MR Yazıçılar Birliyinin sәdri (1997–2007) olmuşdur. “O, düşmәn dә qoymadı anasının qanını” adlı ilk şeiri 1944 ildә “Ədәbiyyat qәzeti”ndә dәrc edilmişdir. “Gülzar” (1957), “Zәrifәnin çiçәklәri” (1960), “Şirin xatirә” (1963), “Nә ciblik” (1979), “Sәhv edәndә” (1985), “Qu quşları ölәndә oxuyurlar” (1988) heka yә vә povestlәrindә sosial, mәnәvi-әxlaqi problemlәr, sadә insanların zәngin daxili alәmi öz әksini tapmışdır. “Torpağın övladları”(1953), “İtirilmiş sağlıq” (1968) pyeslәrinin, “Günәş doğan yerdә” (1976), “Bahar yağışı” (1983), “Əsrin onda biri” (1987) vә s. romanların müәllifidir. “Böhtan” (1998) romanı H.Cavidә hәsr olunmuşdur. Əsәrlәri bir sıra xarici dillәrә tәrcümә edilmişdir. Azәrb. Resp.-nın “Şöhrәt”ordeni ilә tәltif edilmişdir.
Ə s ә r l ә r i: Seçilmiş әsәrlәri. 3 cilddә, c.1–3. B., 2007.
