İBRAHİMOV İbrahim İbiş oğlu (28.2.1912, Füzuli r-nunun Qarğabazar k. –6.10.1994, Bakı) – Azәrb. riyaziyyatçısı. Azәrb. SSR EA-nın akad. (1968; m. üzvü 1959). Fizika-riyaziyyat e.d. (1947), prof. (1948). Əm. elm xad. (1947). Azәrb. Pedaqoji İn-tunu (indiki ADPU) bitirmişdir (1935). Əmәk fәaliyyәtinә Bakıda mühәndislәrin ixtisasartırma İn-tunda başlamışdır (1935–1936). Azәrb. Pedaqoji İn-tunda riyazi analiz kafedrasının müdiri (1947–59), Azәrb. SSR EA Riyaziyyat vә Mexanika İn-tunun direktoru (1959–63), 1957 ildәn hәmin in-tda şöbә müdiri olmuşdur. Tәdqiqatları riyazi analiz, әdәdlәr nәzәriyyәsi, sıralar vә interpolyasiya nәzәriyyәlәri, kompleks vә hәqiqi dәyişәnli funksiyaların konstruktiv nәzәriyyәsi, analitik funksiyalar sisteminin tamlığı sahәsindәdir. İ. yaxınlaşmalar, interpolyasiya, tam funksiyalar nәzәriyyәlәri sahәlәrindә dünya riyaziyyatçıları tәrәfindәn yüksәk qiymәtlәndirilәn mühüm nәticәlәr almışdır. O, yeni interpolyasiyalar qurmuş, onlar üçün yığılma meyarları vermiş vә “iki nöqtә problemini” hәll etmişdir. 150-yә yaxın elmi әsәrin müәllifidir. Yüksәkixtisaslı elmi kadrların hazırlanmasında xidmәti olmuşdur.
