İBRAHİMOV İsmayıl Əli oğlu (31.12.1915, Ordubad ş. – 16.7.2016, Bakı) – avtomatika sahәsindә Azәrb. alimi. AMEAnın akad. (1980; m. üzvü 1968). SSRİ Fәxri neftçisi (1978), SSRİ Dövlәt mükafatı laureatı (1982), Sosialist Əmәyi Qәhrәmanı (1986), Azәrb. SSR әmәkdar elm xadimi (1981). Azәrb. Sәnaye İn-tunu (sonralar Azәrb. Neft vә Kimya İntu; AzNKİ) bitirmişdir (1941). Əmәk fәaliyyәtinә 1946 ildә AzNKİ-dә başlamış, 1955 ildәn kafedra müdiri, 1960–70 illәrdә rektor olmuşdur. 1970–78 illәrdә Azәrb. SSR Nazirlәr Soveti sәdrinin birinci müavini vәzifәsindә işlәmişdir. 1978–88 illәrdә yenidәn AzNKİ-yә rektor tәyin edilmişdir. 1975 ildәn AMEA Rәyasәt Heyәtinin “Kibernetikanın kompleks problemlәri” üzrә Şurasının sәdri, 1997 ildәn AMEA-nın İdarәetmә Sistemlәri İn-tu vә İnformasiya Texnologiyaları İn-tunda baş elmi işçi olmuşdur. Əsas elmi işlәri bir sıra neft-kimya emal proseslәrinin kompleks avtomatlaşdırılması üzrә sxemlәrin işlәnib hazırlanması vә sәnaye istehsalına tәtbiqinin nәzәri tәdqiqinә aiddir. 200-dәn çox elmi әsәrin, o cümlәdәn monoqrafiya vә dәrsliklәrin müәllifidir. Beynәlxalq konqreslәrdә mәruzә ilә çıxış etmişdir. Yüksәkixtisaslı kadrlar hazırlanmasında xidmәti var. SSRİ Ali Sovetinin (8–10-cu çağırış) deputatı olmuşdur. 2 dәfә Lenin ordeni, 3 Qırmızı Əmәk Bayrağı ordeni, Azәrb. Resp.-nın “Şәrәf” (2015) ordeni ilә tәltif edilmişdir.
Ə s ә r l ә r i: Avtomatik tәnzimlәmә nәzәriyyәsinin әsasları vә istehsal proseslәrinin avtomatlaşdırılması. B., 1972; Элементы и системы пневмоавтоматики. М., 1975.
