İBRAHİMOV Mәnsum İsrafil oğlu (1.10.1960, Ağdam r-nunun İmamqulubәyli k.) – Azәrb. müğәnnisi, xanәndә (lirik tenor). Azәrb. Resp. xalq artisti (2005). Azәrb. Dövlәt İncәsәnәt İn-tunu bitirmişdir (1987). 1985 ildә Ü.Hacıbәylinin anadan olmasının 100-illiyinә hәsr olunmuş musiqi müsabiqәsindә 1-ci dәrәcәli diploma layiq görülmüşdür. Hәmin ildәn Azәrb. Dövlәt Opera vә Balet Teatrında çalışır.
Partiyaları: Zeyd, İbn Salam, Mәcnun (“Leyli vә Mәcnun”, Ü.Hacıbәyli), Qәrib (“Aşıq Qәrib”, Z.Hacıbәyov), Camal (“Gәlin qayası”, Ş.Axundova), Xanәndә (“Vaqif”, R.Mustafayev, “Natәvan”, V.Adıgözәlov). Repertuarında muğam dәstgahları, tәsniflәr, xalq mahnıları әsas yer tutur. Yaratdığı muğam üçlüyü ilә birgә müxtәlif ölkәlәrdә qastrol sәfәrlәrindә olmuşdur. Televiziya muğam müsabiqәlәrinin tәşkilatçılarından biridir. 2003 ildәn Azәrb. Milli Konservatoriyasında pedaqoji fәaliyyәt göstәrir (2013 ildәn prof.). 2009, 2011 illәrdә Bakıda keçirilәn Beynәlxalq “Muğam dünyası” festivalının iştirakçısı olmuşdur. Azәrtelefilmin çәkdiyi 3 hissәli “Leyli vә Mәcnun” film-operasında Mәcnun partiyası onun ifasında lentә alınmışdır (1995). Azәrb. Resp.-nın “Şöhrәt” vә “Şәrәf” ordenlәri ilә tәltif edilmişdir.
