İBRAHİMOV Nurәddin İslam oğlu (16.3.1951, Bakı, Buzovna qәs. – 10.2.1995, Bakı, Binә qәs.) – Azәrb.-ın Milli Qәhrәmanı (ölümündәn sonra, 26.12.1995), polis mayoru. 1970 ildә hәrbi xidmәtә çağırılmışdır. Ordudan tәrxis olunduqdan sonra Bakı aqreqatlar z-dunda çalışmışdır. 1975 ildә Baykal-Amur magistralında işlәmәyә getmiş, 1978 ildә Daxili İşlәr Nazirliyinin İrkutsk şәhәr şöbәsinә qәbul edilmiş, baş sahә inspektoru işlәmişdir. Xabarovsk Ali Milis Mәktәbini bitirmiş (1986), İrkutsk şәhәr Daxili İşlәr İdarәsinin cinayәt axtarışı şöbәsinin rәis müavini olmuşdur. Azәrb.-da baş verәn hadisәlәrlә bağlı vәtәnә dönmüş, Laçın rayon daxili işlәr şöbәsindә sahә müvәkkili işlәmiş, ermәnilәrә qarşı aparılan döyüşlәrin birindә yaralanmışdır. 1991 ildә Bakının indiki Xәzәr Rayon Polis İdarәsindә polis mayoru rütbәsindә sahә müvәkkili olmuşdur. Cәbhә bölgәsinә ezam edilәn İ.Kosalar k. (1992) vә Cәbrayıl r-nu (1993) uğrunda gedәn döyüşlәrdә iştirak etmişdir. Binә qәs.-ndә cinayәtkar dәstә zәrәrsizlәşdirilәn zaman qәhrәmancasına hәlak olmuşdur. Buzovna qәs.-ndә küçә vә mәdәniyyәt evi (qarşısında büstü qoyulmuşdur) onun adını daşıyır.
