İBRAHİMOV Zakir Abbas oğlu (9.2.1954, Tovuz r-nunun Şamlıq k. – 26.3.2021, orada) – Azәrb. meşәçi-aqronomu. K.t. e.d. (2012), prof. (2017). Moskva Meşә Texniki İn-tunu meşә tәsәrrüfatı ixtisası üzrә bitirmişdir. Azәrb. ET Meşә Tәsәrrüfatı İn-tunun Bәrdә rayon şöbәsindә kiçik elmi işçi, elmi katib, Gәdәbәy r-nun da baş meşәbәyi (1977–80), Moskva şәhәrindә tәbiәti mühafizә laboratoriyasında kiçik elmi işçi (1983–86), Azәrb. Kәnd Tәsәrrüfatı İn-tunda böyük elmi işçi, meşәçi-aqronom (1986–87), Voroşilov qrad (indiki Luqansk) ş.-ndә meşә meliorasiya tәcrübә stansiyasında kiçik vә böyük elmi işçi (1987–90), Azәrb. Dövlәt Aqrar Un-tindә şöbә müdiri, böyük elmi işçi, ekologiya vә meşәçilik kafedrasında assistent (1991 ildәn), kafedra müdiri (2017 ildәn) vәzifәlәrindә çalışmışdır. Elmi tәdqiqatları meşә bitkilәrinin növ vә cins müxtәlifliyinә, becәrilmәsinә vә meşә әkinlәrinin bioekoloji әsaslarının öyrәnilmәsinә hәsr olunmuşdur. 130-dan çox elmi әsәrin, o cümlәdәn bir monoqrafiyanın, 2 dәrslik, 2 dәrs vәsaiti vә metodiki göstәrişlәrin müәllifidir. Elmi kadr hazırlıqlarında xidmәti var.
Ə s ә r i: Биологическое разнобразие и технология выращивания ореха (Juglans regia), B.,2015.
