İBRAHİMOV Zülfәli İmamәli oğlu (25.12.1910, Cәnubi Azәrb., Sәrab ş. – 21.9.1972, Bakı) – Azәrb. tarix e.d. (1950), prof.(1950). Azәrb. SSR EA-nın m. üzvü (1959). Azәrb. SSR Dövlәt mükafatı laureatı (1972). 1924 ildә ailәsi ilә Bakıya köçmüşdür. Moskvada Ümumittifaq Jurnalistlәr İntunda oxumuşdur (1932–35). Mәtbuatda, Bakı Ali Partiya Mәktәbindә, Azәrb. Dövlәt Un-tindә (ADU), Azәrb. KP MK yanında Partiya Tarixi İn-tunda müxtәlif vәzifәlәrdә (1930–38) işlәmişdir. 1940–49, 1958–60, 1967–72 illәrdә ADUda Azәrb. tarixi kafedrasının müdiri, 1960–67 illәrdә Azәrb. SSR EA Tarix İn-tunun direktoru olmuşdur. 300-әdәk elmi mәqalә vә әsәrlәrin müәllifidir. Bakıda Fәxri Xiyabanda dәfn olunmuşdur. Oktyabr İnqilabı, “Şәrәf nişanı” ordenlәri ilә tәltif edilmişdir.
Ə s ә r l ә r i: İngilis-amerikan müdaxilәçilәrinә qarşı Azәrbaycan xalqının mübarizәsi (1918–1920 illәr). B., 1950; Революция 1905–1907 гг. в Азербайджане. Баку, 1955; Azәrbaycan zәhmәtkeşlәrinin sosialist inqilabının qәlәbәsi uğrunda mübarizәsi (1917–1918 illәr). B., 1957.
