İBRAHİMOVA Sevda Mirzә qızı (28.11.1939, Bakı – 17.7.2022, Bakı) – Azәrb.bәstәkarı. Azәrb. Resp. xalq artisti (2005), әmәkdar incәsәnәt xadimi (1989). Prof. (1994). M.Ə.İbrahimovun qızıdır. Azәrb. Dövlәt Konservatoriyasını (M.R.Brennerin fp. sinfini, 1962; Q.Qarayevin bәstәkarlıq sinfini, 1964) bitirmişdir. “Hәqiqәt üzüyü” (1970), “Nәnәmin nağılları” (1983; ilk tamaşası 1985, Sәmәrqәnd) operalarının, “Odlar yurdu, ana Vәtәn” (1979), “Vәtәn şәhidlәri” (1990) kantatalarının, fp. ilә ork. üçün 2 konsertin (1978, 1981), orqan ilә kamera ork.üçün konsertin (1988), “Dәniz, göy, mәhәbbәt” vokal silsilәsinin (1967), akapella üçün “Əziziyәm” bayatılar silsilәsinin (1986) müәllifidir. Violin ilә kamera ork. üçün “Dünya bir pәncәrәdir” poeması (2003–04), violin vә fp. üçün “Əzizlәri min xatirәsinә” silsilәsi (2004–05), orqan, soprano vә bariton üçün “Poema-ithaf” (2005), tar ilә ork. üçün “Qarabağnamә” konserti (2005), fp. üçün “Mәhәbbәt bağı” silsilә pyeslәri (2008), fp. ilә simfonik ork. üçün 4 saylı konserti (2008–2009), “Etiraf” simli ork. üçün musiqisi (2011), Nizami, S.Vurğun, B.Vahabzadә, M.Araz, N.Rәfibәyli vә b.-nın sözlәrinә mahnı vә silsilә romansları, digәr vokal әsәrlәri (miniatürlәr, sonetlәr, ballada vә s.), instrumental pyeslәri var. Dram tamaşaları vә kino filmlәrә dә musiqi yazmışdır.
