İBRAHİMOVA Sәfurә Ağabala qızı (27.12.1938, Bakı – 21.12.2020, Bakı) –Azәrb. aktrisası. Azәrb. Resp. xalq artisti (2002), Dövlәt mükafatı laureatı (1984). Azәrb. Teatr İntunu bitirmişdir (1964, R.Tәhmasibin sinfini). 1961–2005 illәrdә Azәrb. Dövlәt Akademik Milli Dram Teatrında çıxış etmiş, müxtәlif xarakterli obrazlar yaratmışdır: Cen (“Mariya Tüdor”, V.Hüqo), Əsmәr (“Alov”, M.Hüseyn), Rәna (“İblis”, H.Cavid), Zәhra bәyim (“Anamın kitabı”, C.Mәmmәdquluzadә), Hafizә xanım (“Pәri-cadu”, Ə.Haqverdiyev), Sevil (“Sevil”, C.Cabbarlı), Vasilisa (“Hәyatın dibindә”, M.Qorki), Ofeliya (“Hamlet”, U.Şekspir), Nәzakәt Tubu xanım (“Sәn hәmişә mәnimlәsәn”, “Hökmdar vә qızı”, İ.Əfәndiyev), Dilarә (“Şәhәrin yay günlәri”, Anar), Saşa (“Canlı meyit”, L.Tolstoy), Göyәrçin (“Kәndçi qızı”, M.İbrahimov) vә s. “Arşın mal alan” (1965, rej. T.Tağızadә), “İstintaq davam edir” (1966, rej. Ə.Atakişiyev), “Sevil” (1970, film-opera, rej. V.Qorikker), “Qatır Mәmmәd” (1974, rej. R.Ocaqov), “Alma almaya bәnzәr” (1975, rej. A.Babayev), “Tütәk sәsi” (1975, rej. R.Ocaqov), “Dәrviş Parisi partladır” (1977, rej.-lar K. Rüstәmbәyov vә Ş.Mahmudbәyov), “Qayınana” (1978, rej. H. Seyidzadә), “Əlavә iz” (1981, rej. N.Bәkirzadә), “İmtahan” (1987, rej.-lar G.Əzimzadә vә Ş.Əlәkbәrov), “Tәxribat” (1989, rej. E.Quliyev) bәdii filmlәrindә, “Yun şal” (1965, rej. R.Kazımovski); “Sәn hәmişә mәnimlәsәn” (1987, rej.-lar G.Gülәhmәdova Martınova, T.Vәliyev) televiziya filmlәrindә çәkilmişdir.
