İCMA BİRLİYİ – ibtidai icma cәmiyyәtinin son dövründә hakimiyyәtin (potestar tәşkilatın) tәşkili forması, iyerarxik ictimai-siyasi tәşkilatların tarixәn ilk forması. İ.b. hakimiyyәt sistemi üçün tәsәrrüfat, ictimai-potestar vә ideoloji hәyat sahәlәrinin rәhbәrlәrinә çevrilmiş irsi başçılar sәciyyәvidir.
Struktur mürәkkәbliyi dәrәcәsinә görә sadә vә mürәkkәb İ.b.-nә bölünür. Sadә İ.b. iqamәtgahı mәrkәzi mәskәndә yerlәşәn, bir başçının hakimiyyәti altında birlәşmiş, ümumi sayı bir neçә min nәfәr olan bir neçә kәnd icmasından ibarәt idi. Mürәkkәb İ.b. ali başçı idarәsinә tabe olan iki vә daha çox sadә İ.b.-ni birlәşdirirdi. Başçı әsasәn redistributiv funksiyanı icra edirdi. Başçının potestar aparatı, adәtәn, istehsalda bilavasitә istirakdan azad olunurdu. Mürәkkәb İ.b. sayı bir neçә on min nәfәrәdәk olan etnik geterogen әhalidәn ibarәt ola bilәrdi.
