İDARƏETMƏ PULTU – nәzarәt vә idarәetmә üçün operatorun istifadә etdiyi qurğu; idarәetmә sisteminin bir hissәsi. İ.p. operatorun iş yerinin әsas elementidir (informasiyanın әks etdirilmәsi üçün çox vaxt mnemonik sxemlәrdәn istifadә edilir). Yerli vә mәsafәdәn İ.p.-larına (onlar da stasionar vә daşınan İ.p.-una) ayrılır. Y e r l i İ.p. obyektin vә ya prosesin (mәs., tәyyarәnin, proqramla idarә edilәn dәzgahın İ.p.) bilavasitә idarәetmә sisteminә quraşdırılır. Mә s a f ә d ә n İ.p. (mәs., energetika sistemi, pilotsuz UA, kosmik aparat, istehsal proseslәri, rabitә sistemlәri vә s.-nin pultu) obyektlәrin radiosiqnallar, İQ vә akustik siqnallar vasitәsilә idarәolunmasını tәmin edir. İ.p. layihәlәndirildikdә texniki mәsәlәlәrin mükәmmәl hәllindәn әlavә, erqonomika, mühәndis psixologiyası vә texniki estetikanın tәlәblәri dә nәzәrә alınır.
İlk dәfә 1898 ildә elektrotexnika sәrgisindә (Nyu-York) N.Tesla radioidarәli qayığı nümayiş etdirmişdir. 1932 ildә ilk mәsafәdәn idarә edilәn aeroplan modeli Almaniyada havaya qalxmışdır. 1974 ildә “Grundig” vә “Magnovax” şirkәtlәri İQ şüalı İ.p. olan rәngli televizorlar istehsal etmişdir.
