İDEOQRÁM (yun. ἰδέα – görünüş, forma, anlayış, obraz + ...qram) – hәr hansı bir dildә, hәrflәrdәn fәrqli olaraq, ayrı-ayrı sәslәri vә ya hecaları deyil, bütöv sözü vә ya söz kökünü bildirәn yazı işarәsi (mәs., Qәdim Misir, Çin heroqliflәri). “İ.” termini ilә yanaşı “loqoqram” termini dә işlәdilir.
İdeoqrafik yazı sistemlәrindә tәtbiq edilәn İ.-lar bu vә ya digәr dәrәcәdә sadәlәşdirilmiş, konkret varlıq vә әşyaları bildirәn, hәrәkәti әks etdirәn, yәni istәnilәn halda tәsvirlә assosiasiya olunan feili, hәmçinin mücәrrәd anlayışları ifadә edәn şәkillәrdәn ibarәtdir. İbtidai yazılarda sadә İ.-lar ümumi cәhәtlәrinә görә bir-biri ilә üst-üstә düşür (mәs., yaş axıdan göz tәsviri Çin vә mayya yazıları kimi tarixәn vә әrazi baxımından uzaq yazılarda kәdәr ifadә edir).
