İDMAN AVTOMOBİLİ – güclü mühәrrikli, yüksәksürәtli minik avtomobili; 2, yaxud 4 nәfәrlik olur, klirens mәsafәsi kiçikdir. Ümumi istifadәli yollarda sürmәk vә avtomobil idmanı ilә mәşğul olmaq üçündür. İ.a.-nin bu növlәri var: dәrә-tәpә yerlәrdә yarışmalar üçün
b a q q i (bir, yaxud ikinәfәrlik avtomobildir; çıxarılan açıq kuzalı vә sәrt çәrçivәsi olur) vә ümumi istifadәli yollarda rahat hәrәkәt üçün GT (“Gran Turismo” – böyük sәyahәt) s i n i f iki qapılı avtomobillәr. GT hәm dә avtomobil yarışmalarında yarış sinfinin işarәsidir. İstisna kimi bu sinfә dördqapılı modellәr (“Porsche Panamera”, “Aston Martin Rapide” vә “Fisker Karma”) aid edilmişdir; bu avtomobillәr altsinifi “idman sedanları” adlanır. İ.a.-ndә mühәrrik kimi, әsasәn V şәkilli altı-, sәkkizsilindrli, porşenli daxili yanma mühәrriklәrindәn (benzin, yaxud dizelli) istifadә olunur; ön, bәzәn arxa, yaxud bütün tәkәrlәri aparıcı olur. Ötürmәlәr qutusu 6 pillәli olub әllә idarә edilir, bәzәn, daha bahalı modellәrdә avto matik, yada elektron idarәli kombinәlidr.
Y a r ı ş a v t o m o b i l i – kütlәvi yarışların keçirilmәsi vә sürәt rekordlarının qazanılması üçün xüsusi konstruksiya ilә yığılan İ.a.-dir; ümumi istifadәli yollarda sürmәyә vә sәrnişin daşımağa icazә verilmir, maks. yüngül kuzaya malikdir (idarәetmә vә tәhlükәsizliyә aid bir çox mühüm hissәlәri olmur). Əsas tiplәri: a ç ı q t ә k ә r l i [mәs., kart – kuzasız sadә avtomobil, kartla keçirilәn yarışlar kartinq adlanır; mono posto (qapısız birnәfәrlik yarış avtomobilinin kuzasının adı, sürücü yarıuzanmış vәziyyәtdә olur); “Formula-1” yarışlarında iştirak üçün bolid]; s e r i y a l ı [yarışlar üçün modifikasiyaolunmuş avtomobillәr, mәs., “Qrand Nәşenәl” sinfi); idman tipli (istehlakçı üçün adi minik avtomobili, mәs., “Porşe”, “Datsun”); ixtisaslaşdırılmış (açıqtәkәrli avtomobillәr)]; qısa düz traslarda sürәtli yarışlar üçün d r a q s t e r (ing. drag – dartmaq, müqavimәti qırmaq).
“Toyota Supra A90” idman avtomobili.
