İDMAN BAL RƏQSLƏRİ – idman növü; Avropa (yavaş vals, kvikstep, Vyana valsı, tanqo, yavaş fokstrot) vә Latın Amerikası (samba, ça-ça-ça, cayv, rumba, pasodobl) rәqslәri üzrә ifaçılar qarşısında temp (dәqiqәdә taktların sayı), geyim vә s.-lә bağlı müәyyәn tәlәblәr qoyan proqramlardan ibarәt rәqs dәstlәri. Rәqqasların tәsnifatı yaş vә hazırlıq sәviyyәsindәn asılı olaraq müәyyәn edilir. 1957 ildә yaradılmış Beynәlxalq İdman Rәqslәri Federasiyası әtrafında; 106 milli federasiyanı әtrafında birlәşdirir (2015). 1909 ildә Parisdә bal rәqslәri üzrә ifaçılar arasında 1922 ildә peşәkarların iştirakı ilә ilk dünya çempionatlar keçirilmişdir. 2004 ilәdәk çempionatların әksәriyyәtindә B.Britaniya nümayәndәlәri qәlәbә qazanmışlar (54 dәfә), o cümlәdәn R.vә C.Qliv cütlüyü (1973–80 illәrdә 8 dәfә ardıcıl), M.vә V.Barr (1981–85 illәrdә 5 dәfә ardıcıl), M.vә K.Hilton (1990–98 illәrdә 9 dәfә ardıcıl); 2005–08 illәrdә italiyalı cütlük
M.Qotssolli vә A.Betti, 2009–15 illәrdә amerikalı rәqqaslar A.Bijokas vә K.Demido va qәlәbә qazanmışlar. 1960 ildәn Ümum dünya Rәqs Şurası (WDC, 1950 ildә Beynәlxalq Bal Rәqslәri Şurası kimi yaradılmışdır; 66 ölkә federasiyasını birlәşdirir, 2015) Latın-Amerikası rәqslәri üzrә peşәkarlar arasında dünya çempionatları keçirir. Şotlandiya-İngiltәrә dueti D.Berns vә G.Feyrueter 14 dәfә (1984–96, 1998), B.Uotson vә K.Vintsel (CAR, Almaniya) 9 dәfә qәlәbә qazanmışlar. 2010–15 illәrdә R.Kokki vә Y.Zaqoruyçenko (ABŞ) 6 dәfә ardıcıl çempion olmuşlar.
Azәrb. İdman Rәqslәri Federasiyası 1994 ildә Bakıda tәsis edilmişdir. Azәrb. idmançıları Eldar Cәfәrov vә Anna Sajina peşәkarlar arasında dünya çempionu olmuşlar (2019).
