İFRATİNCƏ QURULUŞ (ifrat incә parçalanma) – atom vә molekulların elektron altsistemi ilә nüvәnin maqnit dipol momenti vә elәcә dә elektrik kvadrupol momenti arasında baş verәn qarşılıqlı tәsir nәticәsindә atom, ion vә molekulların enerji sәviyyәlәrinin (spektral xәtlәrinin) parçalanması (bir neçә altsәviyyәnin yaranması). Bir qayda olaraq, maqnit qarşılıqlı tәsiri hesabına parçalanma elektrik parçalanmasından bir tәrtib böyük olur. Atomun İ.q. altsәviyyәlәrinin enerjisi nüvәnin I momenti ilә elektron örtüyünün J momentinin vektorial cәminә bәrabәr olan tam F momenti ilә tәyin olunur; ifrat incә parçalanmanın qiymәti bu düsturla ifadә olunur: ΔEF = 1/2 AC + BC (C +1), burada C = F(F +1) –J (J +1) – I (I +1), A vә B – parçalanma sabitlәri olub, uyğun olaraq nüvәnin maqnit vә elektrik momenti ilә tәyin edilir. Molekulların İ.q.-unu tәsvir etmәk çox çәtindir (molekulun fırlanmasının, elektron örtüyünün bütün nüvәlәrlә qarşılıqlı tәsirinin vә s. uçotu tәlәb olunur).
İ.q.-un komponentlәri arasında keçidlәr nәticәsindә baş verәn şüalanma radiodalğalar diapazonuna düşür. İ.q.-un spektral xәtlәrinin
tәdqiqi nüvәlәrin xassәlәri haqqında mәlumat almağa imkan verir. Hidrogen atomunun әsas halının komponentlәri arasındakı keçidlәr nәticәsindә әmәlә gәlәn 21 sm dalğa uzunluqlu spektral xәtt kainatın tәdqiqindә çox mühüm rol oynayır.
