İFRATQISA İŞIQ İMPULSLARI – impulsun daşıyıcı tezliyinin rәqslәrinin periodu ilә müqayisә oluna bilәcәk müddәtdә baş verәn impulslar. İ.i.i.-nın (onları ultra qısa da adlandırırlar) uzunluq diapazonlarının dәqiq tәyin olunma sәrhәdi yoxdur. Qısa işıq impulsları anlayışı lazer fizikası inkişaf etdikcә dәyişmişdir. 1960 illәrin әvvәllәrindә keyfiyyәtlilik modulyasiyası metodlarının işlәnib hazırlanması o zaman üçün әn qısa olan nsan-lik lazer impulslarının (10–7 – 10–8 san uzunluqlu) stabil generasiyasına, modların sinxronlaşması metodlarının inkişafı isә psan-lik (10–9 –10–10 san) vә f san-lik (10–13 – 10–15 san) lazer impulslarının generasiyasına gәtirdi. 10–15 – 10–17 san uzunluqlu (attosaniyәlik impulslar) impulsların alınması metodları birinci üsula yaxındır.
İ.i.i. fizikada, kimyada, biologiyada vә s.-dә tezkeçәn (sürәtli) proseslәrin öyrәnilmәsi üçün istifadә edilә bilәr. İmpulsun müddәti zamana görә ayırdetmә hәddini tәyin edir. “Hәyәcanlandırma – zondlama” metodu daha çox yayılmışdır; belә ki, lazer impulsu tәdqiq olunan obyekti hәyәcanlandırır, hәmin vә ya ona yaxın tezliyә malik ikinci impuls isә sonrakı zaman anlarında obyektin vәziyyәtini qeyd edir. Belә sxemlәrin ayırd edilәn minimal zamanı, zondlayan impulsların müddәtilә tәyin edilir. Əgәr impulsların generasiyasının müddәti femtosaniyә vahidlәrindә olarsa, onda hәtta әn yüngül molekulların da hәyәcanlanma vә relaksasiya proseslәrinin öyrәnilmәsi imkanı meydana çıxar.
