İXTİOFTÍRİUS (Ichthyophthirius multifiliis) – pәrdәağızlılar (Hymenostomatia) yarımsinfindәn parazit kirpikli infuzor. Diametri 1 mm-әdәkdir. Şirinsu vә bir çox dәniz balıqları (xüsusilә balıq körpәlәrindә) üzәrindә mәskunlaşır; ixtioftirioz, yaxud ağ lәkәlilik adlanan xәstәlik törәdir. Hәyat tsikli mürәkkәbdir (polimorfdur); İ.-un sәrbәstüzәn teront forması sahibin dәrisinә, qәlsәmәlәrinә, gözünün buynuz tәbәqәsinә, çox vaxt üzgәclәrinә daxil olur. Burada o, öz üzәrindә qoruyucu örtük yaradır (sistalaşır), sahibin toxumaları ilә qidalanaraq böyüyür (trofont mәrhәlәsi), onun dәrisindә ağımtıl şişkinliklәr vә xırda yaralar әmәlә gәtirir. Yetkin İ. (trofozoit) xarici mühitә çıxır, dibә çökür, sistaya çevrilir. Burada İ. hüceyrәsi (tomont) dәfәlәrlә bölünәrәk, yüzlәrlә xırda tomitlәr, yaxud “sәrgәrdan”lar әmәlә gәtirir. Sistadan çıxdıqdan sonra onlar yeni sahiblәr tapırlar. Balıqçılıq tәsәrrüfatlarında vә akvariumlarda İ.-la yoluxma balıqların kütlәvi ölümünә sәbәb ola bilir. Bax hәmçinin Siliaforozlar.
1 – teront; 2, 3 – trofont sistasının әmәlә gәlmәsi;
4 – trofozoit; 5 – tomontun bölünmәsi;
6 – tomitlәrin çıxması.
