İKA (Ica) – Perunun c.-q.-indә şәhәr. İka dep-tinin inz. m. Əh. 282,4 min (2017). İka çayı dәrәsindә, Lima ş.-nin 300 km-liyindә, sәhralıqdadır. İ.-dan Panamerika avtomobil yolu keçir. D.y. onu Atlantika okeanı sahilindәki Pisko portu ilә әlaqәlәndirir.
1563 ildә ispan konkistadoru Luis X. de Kabrera tәrәfindәn Villa-de-Valverde adı ilә әsası qoyulmuşdur. 1569 ildә zәlzәlә nәticәsindә dağılmış, indiki yerindә yenidәn inşa edilmişdir. 1640 ildә indiki adını almışdır. 1866 ildәn İka dep-tinin paytaxtıdır.
Müstәmlәkә dövrünün memarlıq abidәlәri saxlanılmışdır: Markes de Toppe Ermosun evi (yaxud Bolivarın evi), Bәlәdiyyә sarayı, böyük kilsә (18 әsr, yezuitlәr ordeni ansamblının bir hissәsi), digәr kilsәlәr. San-Luis Qonsaqa milli un-ti (1961), tarix regional (1946) vә daş (1966; oyma süjetli daşlar kolleksiyası) muzeylәri fәaliyyәt göstәrir.
İka. Uakaçina vahәsi.
İ. iri k.t. (İka çayı dәrәsindә pambıq, xurma palması, qulançar, paxla vә s.) vә aqrar mәhsulların tәdarükü r-nunun mәrkәzi, hәmçinin ölkәnin әn mühüm üzümçülük vә şәrabçılıq mәrkәzlәrindәn biridir. İ. r-nunda iri (“Tacama”, “Ocucaje”, “Vista Alegre”) vә çoxsaylı kiçik şәrabçılıq müәssisәlәri fәaliyyәt göstәrir. Yüksәkkeyfiyyәtli desert vә süfrә şәrabları, o cümlәdәn üzümdәn ixracyönlü araq-pisko istehsal edilir. Pambıqtәmizlәmә, toxuculuq, tikiş, dәri mәmulatları, şәkәr vә s. istehsalı müәssisәlәri var.
Şәhәrin 5 km-liyindә hündür qum tәpәlәri ilә әhatәlәnmiş әnәnәvi istirahәt mәkanı vә sendsörfinqin keçirildiyi Uakaçina vahәsi yerlәşir. İ.-dan şm.-da, Parakas y-anda Parakas milli qoruğu var.
