İKİHAKİMİYYƏTLİK – 1917 ilin fevral–iyun aylarında Rusiyada iki hakimiyyәtin – Müvәqqәti hökumәt ilә Fәhlә, әsgәr vә kәndli deputatları sovetinin ziddiyyәtli çulğalaşması. İ.-i Fevral inqilabının (1917) qәlәbәsi ilә yaranmış mürәkkәb şәrait meydana gәtirmişdi. İnqilabi kütlәlәrin lazımi sәviyyәdә tәşkil olunmamış, xırda burjua tәbәqәlәrinin fәallığı isә son dәrәcә artmışdı. Silahlı qüvvәlәrә arxalanan Sovetlәrdә әksәriyyәt tәşkil edәn eser-menşeviklәrin razılığı ilә martın 15-dә kadet vә oktyabristlәrdәn ibarәt Müvәqqәti hökumәt yaradıldı. İ. inqilabın inkişafında yalnız keçid dövrü idi vә barışmaz ziddiyyәtlәrinә görә uzun sürә bilmәzdi. Hakimiyyәtlәrdәn biri qalmalı idi. İyulda hakimiyyәt Müvәqqәti hökumәtin әlindә cәmlәşdi. Rusiyada Oktyabr çevrilişi (1917) nәticәsindә hakimiyyәt Sovetlәrin әlinә keçdi.
İ. Azәrb.-da da mövcud idi. 1917 ilin noyabrından 1918 ilin sentyabrınadәk Azәrb.-da üç İ. dövrü olmuşdur. 1 dövrdә (1917, noyabr – 1918, may) Bakı Soveti (Bakı vә әtraf r-nlar) ilә Zaqafqaziya Komissarlığı (sonra Zaqafqaziya Federativ Demokratik Respublikası, Bakı vә әtrafı istisna olmaqla) arasında mübarizә gedirdi. 2 dövrdә (1918, may–iyul) Bakı Xalq Komissarları Soveti (Bakı vә әtraf r-nlar) qoşunları ilә Azәrbaycan Xalq Cümhuriyyәti (AXC) ordusu arasında müharibә gedirdi. 3 dövrdә (1918, avqust – 15 sentyabr) AXC-nin Qafqaz islam ordusu “Sentrokaspi diktaturasına” qarşı hücuma keçmiş vә sentyabrın 15-dә Bakını azad etdikdәn sonra bütün ölkә әrazisindә AXCnin hakimiyyәti bәrqәrar edilmiş vә İ.-ә son qoyulmuşdu.
