İKİKE (Iquique) – Çilinin şm.-ında şәhәr. Tarapaka vil.-nin inz. m. Əh. 299, 8 min (2017). Cәnubi Amerikada Sakit okeanın әn mühüm portlarından biri. İ.-dәn Transçili d.y. magistralı vә Panamerika avto mobil yolu keçir. Beynәlxalq aeroport (Diyeqo Arasena).
Əsası 16 әsrdә konkistadorlar tәrәfindәn qoyulmuşdur. İndiki adı 19 әsrә aiddir. Peru vitse-krallığının, sonra Peru respublikasının (1878 ildәn Tarapaka әyalәtinin paytaxtı olmuşdur) tәrkibindә idi. Şәhәr 1868, 1877 vә 2005 illәrdә zәlzәlәlәr nәticәsindә ciddi dağıntılara mәruz qalmışdır.
Kafedral kilsә (1884–88), Xuan Astorek sarayı (1904; hazırda mәdәniyyәt-sәrgi mәrkәzidir) vә s. saxlanılmışdır. Arturo Prat ad. un-t (1967 ildә Çili un-tinin filialı kimi yaradılmışdır; 1984 ildәn indiki statusu ilә; un-tin nәzdindә Dәniz muzeyi var), Çilinin digәr un-tlәrinin kampusları fәaliyyәt göstәrir. İ. bәlәdiyyә (1960; arxeologiya, tarix, etnoqrafiya), hәrbi-dәniz vә hәrbi-tarix muzeylәri, İ. bәlәdiyyә teatrı (1889) var.
İkike şәhәrindәn görünüş.
İ. Latın Amerikası (әsasәn, MERKOSUR üzvlәri) ilә Cәnub-Şәrqi Asiya ölkәlәri arasında mühüm ticarәt mәrkәzidir. İ. AİZ-i (“Zona Franca de Iquique S.A.”, ZOFRI; 1975 ildә yaradılmışdır; sah. 240 ha, tәqr. 430 anbarı var; tәqr. 1650 şirkәt tәmsil olunur) Şimali Amerikada әn irilәrdәn biridir; әsasәn logistik xidmәtlәr vә daşınmaz әmlak ilә әmәliyyatlar (sәnaye meydançalarının alqı-satqısı, zonanın iri ticarәt mәrkәzindә meydançaların icarәsi) üzrә ixtisaslaşmışdır. Avtomobil, müxtәlif avadanlıqlar, geyim satışı üstünlük tәşkil edir. Neft emalı, kimya, yeyinti (o cümlәdәn balıq emalı) sәnayesi müәssisәlәri fәaliyyәt göstәrir; gәmiqayırma vә gәmitәmiri var. Əlverişli iqlim, ağqumlu çimәrliklәr (Kavança, Playa-Blanka, Brava-Biç vә s.), inkişaf etmiş infrastruktur vә mehmanxana tәsәrrüfatı çoxsaylı turistlәri cәlb edir.
