İKİLƏŞMƏ (kristalların) – monokristalda kristallik quruluşun dәyişәn oriyentasiyalı oblastlarının yaranması. Bu oblastlar birbirilә nöqtәvi simmetriyanın әmәliyyatları ilә, mәs., ana kristalın (matrisin) quruluşunun müәyyәn müstәviyә (İ. müstәvisinә) güzgü әksetmәsilә, kristalloqrafik ox (İ. oxu) әtrafında müәyyәn bucaq qәdәr dönmәsilә әlaqәlidir. Matrisi vә oxşar törәmәni o x ş a r c ü t adlandırırlar. İ. kristalın deformasiyası zamanı (mexaniki oxşarlar), sürәtli istidәn genişlәnmәsi vә sıxılması zamanı, kristalın bir modifikasiyadan digәr modifikasiyaya keçmәsi zamanı vә s. proseslәrdә baş verә bilәr. Monokristalın quruluşunun bircinsliyi çoxsaylı oxşar törәmәlәrlә pozularsa, onu polisintetik ikilәşmә (oxşarlıq) adlandırırlar.
