İKONOSKÓP (yun. εικων – тәsvir + ...skop) – elektrik yüklәri mozaikalı fotohәssas hәdәfә (bir-birindәn ayrılmış bir neçә mln. miniatür fotoelementlәrdәn ibarәt mozaikalı dielektrik lövhә) toplanan ilk verici elektron-şüa cihazlarından biri; işi xarici fotoeffekt hadisәsinә әsaslanır. İ.-da obyektdәn gәlәn işıq seli optik sistemdәn keçib işığahәssas hәdәfin üzәrinә düşәrәk onun sәthindә potensial relyefin yaranmasına sәbәb olur. Hәdәfin o biri üzünә siqnal lövhәsi adlanan metal qat çәkilmişdir. Siqnal lövhәli hәr bir fotokatod kondensator olur. Elektron şüası hәdәfin mozaikasından televiziya açılışı xarakterinә uyğun ardıcıllıqla keçәrәk rezistor üzәrindә tәsvir siqnalını yaradır (elektron şüası kondensatorları boşaldaraq rezistorun dövrәsindә yerdәyişmә cәrәyanı yaradır). İ.-un hazırlanması (1933) ilә yayım televiziyasının ilk elektron sisteminin yaradılması әlaqәdardır. 1950-ci illәrdә İ. daha tәkmil verici televiziya boruları ilә (superikonoskop vә superortikon) әvәz edilmişdir.
İkonoskop: 1 – obyektiv; 2 – ikinci anod; 3 – mozaikalı fotohәdәf; 4 – siqnal lövhәsi; 5 – skanirlәyici şüa; 6 – meyiletdirici sarğaclar; 7 – birinci anod; 8 – elektron topu (projektoru).
