İQBO DİLİ – iqboların dili. Nigeriyanın c.-unda yayılmışdır. Bu dildә danışanların sayı tәqr. 30 mln. nәfәrdir (2020).
İ. Benue-Konqo dillәrinin iqbo qoluna aiddir. Bir sıra dialektlәri var (oniça, overri, umuaxia vә s.), bәzilәrini müstәqil dil kimi
nәzәrdәn keçirmәk olar.
Vokalizmindә 8 sait fonem var. Tonların hәm qrammatik, hәm dә leksik mәnaları fonoloji cәhәtdәn qarşılaşdırılır. Şәxs әvәzliklәri
tәk halda 2 növ – müstәqil әvәzliklәr vә feildәn asılı olan әvәzlik göstәricilәri әmәlә gәtirir.
Feillәr 2 tonal morfoloji sinfә ayrılır: yüksәk vә alçaq. 2 tәsriflәnәn feil forması (“zamanı”) var. Müxtәlif әlavә mәnaları, hәmçinin zaman mәnasını bildirmәk üçün feil şәkilçilәri sistemi dә mövcuddur. Adlar morfoloji tonal sxemlәrә uyğun olaraq müxtәlif sintaqmatik quruluşlarda siniflәrә bölünür.
Yazısı latın qrafikası әsasındadır; müxtәlif dialektlәr öz yazı әnәnәsinә malikdir. Vahid әdәbi norma yoxdur. Son illәrdә, xüsusilә yazıda mәrkәzi zonanın dialektlәrinin normasına uyğunlaşan Mәrkәzi İ. dili daha çox yayılmaqdadır.
