HAVA HÜCUMUNDAN MÜDAFİƏ QOŞUNLARI – silahlı qüvvәllәr (SQ) növü; ölkәnin inzibati vә sәnaye mәrkәzlәrini vә rayonlarını, SQ qruplaşmalarını, mühüm hәrbi vә digәr obyektlәrini havadan vә kosmosdan düşmәn zәrbәsindәn qorumaq üçün tәxsis edilmişdir. HHM qoşunlarına raket-kosmik müdafiә qoşunları, HHM aviasiyası; zenit-raket qoşunları (ZRQ); radiotexnika qoşunları; xüsusi qoşunlar (mühәndis, rabitә, radioelektron mübarizә, radiasiya, kimyәvi vә bioloji müdafiә, hәmçinin radiokәşfiyyat, texniki, topogeodeziya, mühәndis-aerodrom tәminatı vә arxa birlәşmәlәri vә hissәlәri) daxildir. HHM qoşunları öz vәzifәlәrini müstәqil vә ya SQ-nin digәr növlәri ilә qarşılıqlı әlaqәdә hәyata keçirir.
HHM qoşunlarının yaranması Birinci dünya müharibәsi döyüşlәrindә tәyyarә vә digәr UA-ların tәtbiqi ilә bağlıdır. Almaniya, Fransa vә Rusiyada UA-ların vurulması üçün topların yaradılması zenit artilleriyasının (ZA) meydana gәlmәsinә sәbәb olmuşdur. 1915 ildә bir sıra ölkәlәrdә iri şәhәrlәri vә qoşunları hava zәrbәlәrindәn müdafiә mәqsәdilә qırıcı aviasiya (QA) dәstәlәri formalaşdırılmışdır. 1915–16 illәrdә hava müdafiә vasitәsi qismindә hava maneәsi aerostatlarından, ZA-dan atәşi vә QA-nın gecә fәaliyyәtini tәmin etmәk mәqsәdilә zenit projektorlarından istifadәyә başlanılmışdır.
ABŞ-da ölkә әrazisinin HHM vәzifәlәrini hava-kosmik müdafiә xüsusi komandanlığı, digәr ölkәlәrdә isә tәrkibinә HHM-in bütün qüvvәlәri vә vasitәlәrinin daxil olduğu HHQ hәyata keçirir.
